ଚତୁର୍ଥ ଏଲ୍‌ସିସି ଅଣ୍ଡର୍-୧୫ କ୍ରିକେଟ୍ ! ଉଦଘାଟନ ମ୍ୟାଚ୍ ରେ ବିବିସିଏ କ୍ଲବ୍ ବିଜୟୀ

ଭୁବନେଶ୍ୱର: ସ୍ଥାନୀୟ ନୂଆପଲ୍ଲୀସ୍ଥିତ ଲାଇଭ୍ ଲିଜେଣ୍ଡ୍ କ୍ରିକେଟ୍ କ୍ଲବ୍ ପକ୍ଷରୁ ଚତୁର୍ଥ ଅଣ୍ଡର-୧୫ କ୍ରିକେଟ୍ ଟୁର୍ଣ୍ଣାମେଣ୍ଟ୍ ଆରମ୍ଭ ହୋଇଛି। ଉଦ୍‌ଘାଟନୀ ମ୍ୟାରେ ଭୁବନେଶ୍ବରର ବିବିସିଏ କ୍ରିକେଟ୍ କ୍ଲବ୍ ୯ ରନ୍‌ରେ କଟକର ବିଶ୍ବଭାରତୀୟ କ୍ରିକେଟ୍ କ୍ଲବ୍‌କୁ ହରାଇ ଦେଇଛି । ରବିବାର ଅନୁଷ୍ଠିତ ମ୍ୟାଚ୍ରେ ବିବିସିଏ କ୍ଲବ୍ ପ୍ରଥମେ ନିର୍ଦ୍ଧାରିତ ୨୦ ଓଭର୍‌ରେ ୮ ୱିକେଟ୍ ହରାଇ ୧୪୮ ରନ୍ କରିଥିଲା । ଟିମ୍ ପକ୍ଷରୁ ଅଶନୀଲ୍ ରାଉତରାୟ ଓ ଆଦିତ୍ୟ କୁମାର‌ ମହାପାତ୍ର ୨୪-୨୪ ରନ୍ କରିଥିଲେ । କାର୍ତ୍ତିକେଶ୍ୱର ଶ’ ଦୁଇଟି ୱିକେଟ୍ ନେଇଥିଲେ।

ଜବାବରେ ବିଶ୍ବଭାରତୀ ୭ ୱିକେଟ୍ ବିନିମୟରେ ୧୩୭ ରନ୍ କରିବାକୁ ସମର୍ଥ ହୋଇଥିଲା। ଟିମ୍ ପକ୍ଷରୁ ପ୍ରିୟଂଶୁ ସାମଲ ସର୍ବାଧ‌ିକ ୬୦ ରନ୍ କରିଥିଲେ। ବିବିସିଏ ପକ୍ଷରୁ ଅଭିଜିତ ନାଥ ୩ଟି ଓ ସାଇ ସାମଲ ୨ଟି ୱିକେଟ୍ ନେଇଥିଲେ। ବିବିସିଏର ଅଭିଜିତ ନାଥଙ୍କୁ ଓ ସିଏ ଅଣ୍ଡର-୧୬ କୋଚ୍ ରଶ୍ମିରଞ୍ଜନ ଦାସ ମ୍ୟାନ୍ ଅଫ୍ ଦ ମ୍ୟାଚ୍ ପୁରସ୍କାର ପ୍ରଦାନ କରିଥିଲେ। ଆଜିର ଉଦ୍‌ଘାଟନୀ ମ୍ୟାଚ୍ ରେ ବିଏମ୍‌ସିର ୨୫ ନଂମ୍ବର ୱାର୍ଡ କର୍ପୋରେଟର୍ ମାନସୀ ରାଣୀ ସୁନ୍ଦରାୟ ଏବଂ ଓଡ଼ିଶା ରଣଜୀ ଟିସ୍‌ର ପୂର୍ବତନ କ୍ୟାପ୍‌ଟେନ୍ ରଶ୍ମିରଞ୍ଜନ ପରିଡ଼ା ଅତିଥି ଭାବେ ଯୋଗ ଦେଇଥିଲେ।