୬ କିଲୋ ଜଙ୍ଗଲି ମାଂସ ଜବତ, ଦୁଇ ଗିରଫ,ସ୍କୁଟି ଜବତ

ଗଣିଆ (ମନୋଜ ମଳିକ ): ଗଣିଆ ବ୍ଳକ ଛାମୁଣ୍ଡିଆ ବନାଞ୍ଚଳ ଅନ୍ତର୍ଗତ କାଣିପୋଖରୀ ଠାରେ ଏକ ସ୍କୁଟିରେ ଜଙ୍ଗଲି ମାଂସ ନେଇ ଯାଉଥିବା ବେଳେ ଦୁଇ ଜଣ ଯୁବକ ଗିରଫ ହୋଇଥିବା ବେଳେ ମାଂସ ଏବଂ ସ୍କୁଟି ଜବତ ହୋଇଛି । ଗିରଫ ଯୁବକ ଦୁଇ ଜଣ ଦଶପଲ୍ଲା ଥାନା ଭୋଗବାଡି ପଞ୍ଚାୟତ ସାନକାମିଟି ଗ୍ରାମର ଦିପ୍ତିରଞ୍ଜନ ବେହେରା ଏବଂ ଦୀପକ ବେହେରା ବୋଲି ଜଣାପଡିଛି । ଘଟଣାରୁ ଜଣାପଡିଛି ଗୁରୁବାର ଦିବା ୧୧ ଘଟିକା ସମୟରେ ଛାମୁଣ୍ଡିଆ ବନାଞ୍ଚଳ ଅଧିକାରୀ ଲକ୍ଷ୍ମୀନାରାୟଣ ପଣ୍ଡା,ବନପାଳ ପ୍ରତାପ କୁମାର ସେଠୀ ଏବଂ ଫରେଷ୍ଟ ସ୍କାର୍ଡ ପାଟ୍ରୋଲି° କରୁଥିବା ବେଳେ ଦୁଇ ଜଣ ଯୁବକ ସ୍କୁଟିରେ ଜଙ୍ଗଲି ମାଂସ ନେଇ ଯାଉଥିବା ଖବର ପାଇଥିଲେ । କାଣିପୋଖରୀ ଠାରେ ସେମାନଙ୍କୁ ଅଟକାଇ ଯାଞ୍ଚ କଲାବେଳେ ସେମାନଙ୍କ ଠାରୁ ମାଂସ ମିଳିଥିଲା । ଉଭୟଙ୍କୁ ଗିରଫ କରି ଛାମୁଣ୍ଡିଆ ବନାଞ୍ଚଳ ପରିସରକୁ ଅଣାଯାଇଥିଲା । ଜବତ ମାଂସ କେଉଁ ଜନ୍ତୁର ବୋଲି ଜାଣିବା ପାଇଁ ମାଂସର ସାମ୍ପୁଲ ଗଣିଆ ପଶୁ ଡାକ୍ତରଖାନାକୁ ଆଣିବା ପରେ ସେଠାରୁ ଭୂବନେଶ୍ବର ଫରେନସିକ୍ ଲ୍ୟାବକୁ ପଠାଯାଇଥିଲା । ତେବେ ଗିରଫ ଯୁବକଙ୍କୁ ଗୁରୁବାର କୋର୍ଟ ଚାଲାଣ କରାଯିବ ବୋଲିି ଛାମୁଣ୍ଡିଆ ବନାଞ୍ଚଳ ଅଧିକାରୀ ପ୍ରକାଶ କରିଛନ୍ତି ।